من طرف صاحبة السمو الثلاثاء سبتمبر 15, 2009 4:47 pm[هذه القصيده قرئتها فاْبكتني 00 ارجو ان تنال رضاكم
يمه امسحي دموعك عيونك لا تبكيها
اشوف الكل يودعني ولكن بينهم تبقين
يا يمه امسحي دموع عيونك لا تبكيها
يا يمه هذي القسمة وقدر قدعرفنا زين
ياخذ ارواح من حوله ويوديها لباريها/
يا يمه اليوم انا راحل بلا ها الدمع ع الخدين
ترى روحي تودعني بحالك اذا تشديها
ابي يمه تضميني كما طفل على الإيدين
ابي فحضنك تخليني إلين الروح اخليها
وبوسة راس تكفيني ومسحة إيد عالهدبين
اغمض فيهم عيوني يا آخر وجه يضويها
يا يمه وش بقى ليا وانا عالموت ليشبرين
وروحي تغتسل مني00 ابي ببسمة تنشريها
وخلي عنك كله الناس..عيونك ترتمي لا وين؟؟
تصرخي بينهم ياكيف00 روحي لي ترديها
علامك كل مايقولوا "خلاص هديه "ماترضين
ولا قالوا لك الرحمة00 بكيتي إلين قلتيها
وكتفي تهزه ايدينك00 بنبضات الأمل ترجين
عساها تنبض بقلبي 00وتحيي روح راعيها
خلاص اليوم ودعيني00 ومسحي دموع هذي العين
واذا غلطاتي في حقك كثيرة00 اليوم انسيها
يا يمه قولي لأخواني00 وصية حقهم بعدين
ترى رضاك يغنيهم 00عن الدنيا ومافيها
ووصيهم يطيعونك بقولة " ايه ..نعم..وانزين"
اقسم بهذي اللحظه حياتك صعب نوفيها
ابي بإيدك تغسليني00 ياجنة تحت هالرجلين
عسى بإيدينك اتطهر00 من ذنوب ومساويها
يا يمه الحين كفنيني00 وقبليني اذا تكفين
واذا فيني سقط دمعك00 لفيني ولفيها
اشوف الكل يودعني00 ولكن بينهم تبقين
يا يمه امسحي دموعك 00عيونك لا تبكيها
[/center][/size][/center]
